നേവിഗസ്: മധ്യജര്‍മ്മനിയിലെ പ്രശസ്ത മരിയന്‍ തീര്‍ത്ഥാടന കേന്ദ്രമായ നേവിഗസില്‍ കൊളോണിലെ സീറോ മലബാര്‍ സമൂഹം നടത്തിയ കുരിശിന്റെ വഴി ഭക്തിസാന്ദ്രമായി. മാര്‍ച്ച് 27~ന് വൈകുന്നേരം അഞ്ച് മണിക്ക് നേവിഗസിലെ മരിയന്‍ കത്തീഡ്രലിന്റെ താഴ്വരയിലാണ് കുരിശിന്റെ വഴി നടന്നത്. ജര്‍മ്മനിയില്‍ ജോലിക്കും പഠനത്തിനുമായി എത്തിയ നിരവധി യുവജനങ്ങള്‍ ചടങ്ങുകളില്‍ സജീവമായി പങ്കെടുത്തു.
തുടര്‍ന്ന് മരിയന്‍ കത്തീഡ്രലില്‍ നടന്ന ആഘോഷമായ ദിവ്യബലിയില്‍ ഫാ. ടോം കൂട്ടങ്കല്‍ MCBS മുഖ്യകാര്‍മ്മികത്വം വഹിച്ചു. സീറോ മലബാര്‍ കമ്മ്യൂണിറ്റി വികാരി ഫാ. ഇഗ്നേഷ്യസ് ചാലിശ്ശേരി സിഎംഐ, ഫാ. തോമസ് ചാലില്‍ സിഎംഐ, ഫാ. ഡിറ്റോ സുപ്രത്ത് സിഎംഐ (മിലാന്‍) എന്നിവര്‍ സഹകാര്‍മ്മികരായിരുന്നു. ഭക്തിസാന്ദ്രമായ ഗാനാലാപനം ശുശ്രൂഷകള്‍ക്ക് കൂടുതല്‍ ആത്മീയത പകര്‍ന്നു.
കൊളോണ്‍ അതിരൂപതയിലെയും, ആഹന്‍, എസ്സന്‍ രൂപതകളിലെയും സീറോ മലബാര്‍ വിശ്വാസികളാണ് കുരിശിന്റെ വഴിയില്‍ പങ്കെടുത്തത്. കൊളോണ്‍ ആസ്ഥാനമായുള്ള ഇന്ത്യന്‍ കമ്മ്യൂണിറ്റിയിലെ സെന്റ് മാര്‍ട്ടിന്‍ ബെര്‍ഗിഷ് ലാന്‍ഡ് ഷ്വെല്‍മ് കുടുംബക്കൂട്ടായ്മയാണ് പരിപാടികള്‍ക്ക് ആതിഥേയത്വം വഹിച്ചത്. ചടങ്ങുകള്‍ക്ക് ശേഷം ഇന്ത്യന്‍ രീതിയിലുള്ള ലഘുഭക്ഷണവും ഒരുക്കിയിരുന്നു.
തിരുക്കര്‍മ്മങ്ങളില്‍ പങ്കെടുത്ത ഏവര്‍ക്കും കുടുംബക്കൂട്ടായ്മ പ്രസിഡന്റ് മേഴ്സി തടത്തില്‍ നന്ദി രേഖപ്പെടുത്തി.
സന്യാസിനിമാര്‍ ഉള്‍പ്പെടെ ഇരുന്നൂറ്റി അന്‍പതിലധികം പേര്‍ കുരിശിന്റെ വഴിയില്‍ പങ്കെടുത്തു. 'മരിയന്‍ ഡോം' എന്നറിയപ്പെടുന്ന നേവിഗസ് തീര്‍ത്ഥാടന കേന്ദ്രം കൊളോണ്‍ അതിരൂപതയുടെ കീഴിലാണ്.
- Since 2007
വേിഗസില്‍ കുരിശിന്റെ വഴി ഭക്തിിര്‍ഭരമായി; യുവജങ്ങളുടെ സജീവ പങ്കാളിത്തം ശ്രദ്ധേയമായി
- dated 31 Mar 2026
Other News Titles:
ജീവനക്കാരെ ഞെട്ടിച്ച് ഫോക്സ്വാഗന്റെ അടുത്ത പ്രഹരം ; പത്തോളം തൊഴില്‍ കരാറുകള്‍ റദ്ദാക്കി: ജോലി സമയം കൂട്ടിയേക്കും
ജര്‍മ്മനിയില്‍ ഇന്ധന നികുതിയിളവ് പ്രാബല്യത്തില്‍; ലിറ്ററിന് 16.7 സെന്റ് വരെ കുറയും
കൊളോണ്‍ കേരള സമാജം ഓണാഘോഷം വര്‍ണ്ണാഭമായി; പ്രവാസമണ്ണില്‍ കേരളത്തനിമ വിരിയിച്ച് വിപുലമായ കലാവിരുന്നും ഓണസദ്യയും
ലോകത്തിലെ ഏറ്റവും ഉയരം കൂടിയ കാറ്റാടിയന്ത്രം ജര്‍മ്മനിയില്‍ പൂര്‍ത്തിയായി; 365 മീറ്റര്‍ ഉയരം, തലയെടുപ്പോടെ ബ്രാന്‍ഡന്‍ബുര്‍ഗില്‍
കൊളോണില്‍ 10 ദിവസത്തെ ഭക്തിനിര്‍ഭരമായ ജപമാല പ്രാര്‍ത്ഥന ഒക്ടോബര്‍ ഒന്നു മുതല്‍
ജര്‍മ്മനിയിലെ കേരള ലത്തീന്‍ കത്തോലിക്കാ സമൂഹത്തിന്റെ ""ഒപ്പം'' കുടുംബസംഗമം ബിംഗനില്‍ നടത്തി
ജര്‍മനിയിലെ നിലവിലെ സ്ഥിതി അരിയാന്‍ ഈ വീഡിയോ വാര്‍ത്ത കാണുക
Comments: